ડરના જરૂરી હે !!!

 ડરના જરૂરી હે !!!

ડર આ શબ્દ વાંચીને ઘણાને એવું લાગતું હશે કે આ કેમ પોઝીટીવમાંથી નેગેટીવ શબ્દ આવ્યો ?? પણ આપણે હંમેશા ડર ને નેગેટીવની દ્રષ્ટીએ જોઈએ છીએ . ક્યારેય આપણે ડર ને પોઝીટીવ દ્રષ્ટીએ નથી જોતા
જો આપણે ડર ને કાંઇક અલગ જ તરીકે જોઈએ તો.......  ઘણા કહેતા હોય છે કે "હું તો કોઈનાથી નથી ડરતો"
આ વાક્ય મે લગભગ બધા ના મોઢેથી સાંભળ્યું છે . જે પણ આવું વાક્ય બોલતા હશે તે બધાને હું કહેવા માંગુ છુ  કે  જ્યારે પણ કોઈ વ્યક્તિ આવું કહે તો માનવું કે તે અંદરથી બહુ જ ડરી ગયેલો છે  અને જયારે આવું બોલી રહ્યો છે ત્યારે પણ ડરી રહ્યો છે .
   ડર એ આપની  જિંદગી જીવવામાં ઘણી સારી મદદ કરે છે . ડર નાં કારણે જ આપણે  રોજ સવારે ઉઠી અને કામ પર જઇએ છીએ . ઘણાને વહેલા નહિ ઉઠી શકાય તેનો ડર હોય છે . ઘણાને વહેલા પહોચવાનો ડર હોય છે . તો વિદ્યાર્થીઓને સવાર-સવાર માં સ્કુલે મોડા થયા તો ટીચર શું સજા કરશે તેનો ડર હોય છે તો જે લોકો સ્ટોક માર્કેટમાં રોકાણ કરતા હશે તેને બીજા દિવસે બજારમાં શું થશે તેનો ડર લાગતો હોય છે . અને ઘણી સ્ત્રીઓએ તેના પતિ માટે બનાવેલી રસોઈ પતિને કેવી લાગશે તેનો ડર અને એક મહત્વનું ડર જે પણ નાનું સીટી હોય ત્યાં બોયફ્રેન્ડ ને તેની ગર્લફ્રેન્ડને મળવાનો ડર ??
     જો આટલા  બધા ડર લાગતા હોય આપણને  તો પછી આપણે તો ડરપોક કહેવાયે!!  અને એક મહત્વનો ડર જે બધાને લાગતો હોય છે પૈસા કમાવવાનો . આપણે ડરપોક છીએ  કે તે નીડર એતો આપણે  આપણી  જાતે જ નક્કી કરવાનું છે પણ જો ડર નાં હોય તો આપણને જીંદગી જીવવાની જ મજા નથી આવતી . ઘણા ને  તો  બધાની સાથે હોય તો પણ ડર લાગતો હોય છે અને ઘણાને એકલતામાં પણ ડર લાગતો હોય છે આ બન્ને આપણી  જિંદગીમાં થોડા-થોડા અંશે હોવા  જોઈએ .  જો ડર નાં હોય તો ખરેખર આપણે  જીવી જ નાં શકીએ. ડર આપણ ને જાગૃત અવસ્થામાં  રાખે છે . ડર નાં કારણે તો આપને વધારે ને વધારે કામ કરવામાં તત્પર રહીએ છીએ .
    ઘણા એવું પણ કહેતા હોય છે કે "કોઈ પણ પોઝીશન માં ક્યારેય પણ ડરતા નહિ " તેઓને પણ મારું કહેવાનું છે કે જો ડર જ નાં હોય તો આગળ જ કઈ રીતે વધવું . આ બધામાં સૌથી અગત્યની વાત એ કહેવાની કે આપણા  જીવનમાં ડર ને એટલો બધો  પણ નાં વધવા દેવો જોઈએ કે આપણી  જિંદગીનો ગ્રોથ(GROWTH) અટકી પડે . જે પણ કામ કરવામાં આપને ડર લાગતો હોય તે કામ સૌથી પહેલા કરવું બાકી બધું જ કામ પછી કરવું કારણ કે જે આપને કામ કરવાનું છે તે કામ ને તમે જેટલા આગળ ઠાલવતા રહેશો એટલા જ તમે ડર નાં નિયંત્રણમાં આવતા જશો .
   હું ફરીથી કહી રહ્યો છુ "જે પણ કામ થી ડર લાગતો હોય તે સૌથી પહેલા કરવું" અને જે કામ કરવામાં ડર લાગતો હશે તે પૂર્ણ કરી લીધા બાદ જે આપને  ખુશી મળશે તે અલગ જ હશે અને આપની  જિંદગીમાં ડર ક્યાં જતો રહેશે તેનો પણ ખ્યાલ નહિ રહે .
      "જો ડર ગયા સમજો મર ગયા" આ ડાયલોગ તો બધાને યાદ જ હશે આ ફિલ્મમાં ગબ્બર પણ જય અને વીરુ થી ડરી ગયો હોય છે . મને એક વાત હજુ સુધી નથી સમજાતી કે 30-35 વરસ પહેલા પણ આવું જ કહેવાતું અને હાલમાં પણ આવું જ કહેવાય છે . કોઈ એ નથી કહેતા  કે ડર ની સામે જીતવું કઈ રીતે??
હા, મને ખ્યાલ છે ત્યાં સુધી જો ડરની સામે જીતવું હોય તો "જે કામ થી ડર લાગતો હોય તે જ કરવું "
    અરે બહુ લખાય ગયું . વધારે લખવામાં મને પણ આપ સૌનો ડર લાગી રહ્યો છે .