EDUCATION DEMAT ACCOUNT

         "EDUCATION  DEMAT  ACCOUNT"

                  "એજ્યુકેશન  ડિમેટ  એકાઉન્ટ"

        આજે એક નવી શાળા સ્થાપિત કરવાની છે. જ્યાં LKG, HKG  (હું નાનો હતો ત્યારે બાલ મંદિર કહેવાતું અને હજુ પણ જેને બોલવામાં પ્રોબ્લેમ થાય છે તે બાલ મંદિર જ કહે છે.) કે  પેલા ધોરણ, બીજા ધોરણ ના સર્ટીફીકેટ નહિ આપવામાં આવે બલકે  તે ધોરણના શેર નાં સર્ટીફીકેટ આપવામાં આવશે !!!! હેં હેં ???

 હા, હા ભાઈ સાચું જ કહું છુ જે પ્રમાણે આપણે  શેર બજારમાં રોકાણ કરીએ છે તેવી જ રીતે અહિયાં  પણ વધારેમાં વધારે રોકાણ  કરીને બેનીફીટ મેળવો। બોસ બધા બોલ આપના આજે બાઉન્સ  જાય છે કઈક સમજાય એવી રીતે વાત કરો???   

            

                                  GSEB =BSE

                                  CBSE =NSE 

                                  અલગ-અલગ સ્કુલ એટલે  BSE  અને NSE માં લીસ્ટેડ થયેલ કંપની!!!

       ઓકે ઓકે. આપને  શેર બજારમાં એકાઉન્ટ ઓપનીગ કરાવવું હોય તો તેનું ફોર્મ ભરવું પડે, અમુક ડોક્યુમેન્ટ જમા કરવા પડે,1 વર્ષનો  કા તો લાઈફ ટાઈમ એકાઉન્ટ નો ચાર્જ પે કરવો પડે તે જ પ્રમાણે આ શાળામાં પણ તમારે ફોર્મ ભરવું પડશે, ડોક્યુમેન્ટમાં જન્મનું પ્રમાણપત્ર આપવાનું રહેશે અને  LKG કે  HKG ના શેર માં રોકાણ કરવા માટે 1 વર્ષનો (અહિયાં લાઈફ ટાઈમની સ્કીમ લાગુ નહી  પડે કેમ કે કાઈક તો ફર્ક હોય ને ભાઈ જાન)  ચાર્જ પે કરવાનો રહેશે . સેમ એઝ પેલા ધોરણ, બીજા ધોરણ અને આગળના ધોરણમાં એમ  કરતા-કરતા દસમાં ધોરણનાં શેર માં થોડુક રોકાણ વધી જશે (આમ તો દર વર્ષે જેમ સ્કુલની ફી વધે છે આગલા ધોરણમાં જવા માટેની તેમ અહિયાં પણ આગળના વર્ષમાં જતા રોકાણની કિંમત વધવાની જ ને ભાઈ, સાચું ને).  જેમ દસમાં ધોરણમાં વિદ્યાર્થી આવી જાય અને તેને 90PR, 95PR, 99PR નું રીઝલ્ટ આવે તેમ અહિયાં પણ દસમાના શેરમાં રોકાણ કર્યા બાદ જે પહેલા પદ્ધતિ હતી તે જ પ્રમાણે 90% (ટકા), 95% નો બેનીફીટ (નફો યાર!).. 

     બરાબરને આપણે  શેર બજારમાં શેર ખરીદ કરીએ ત્યાર બાદ તેમાં નફો મળે એમ અહિયાં પણ નફો તો મળે જ ને દોસ્તો। અલબત, શેર બજારમાં આપ શેર ને વહેચી શકો છો તે જ પ્રમાણે અહિયાં પરીક્ષા લેવાય અને એનો નફો મળે અત્યાર સુધીના રોકાણ નો!!!!

       હવે દસમાંમાં સારો નફો  તો તો વિદ્યાર્થી સાયન્સ લેશે અને તેના શેરમાં રોકાણ સૌથી વધારે, જો ઓછો નફો  હોય તો  કોમર્સ લેશે, અને જો વધારે ઓછો નફો હોય તો આર્ટસ (વિદ્યાર્થીઓને અત્યારે એવું લાગી રહ્યું છે કે  આર્ટસ એટલે સૌથી ઓછુ રોકાણ) ..

   માનો કે સાયન્સ કોઈએ લીધું અને "બી" ગ્રુપ પસંદ કર્યું તો જો બારમાં ધોરણમાં સારો નફો મળે અને એમબીબીએસ (MBBS) માં જાય તો તેમાં તો સૌથી વધારેમાં વધારે રોકાણ અને સૌથી વધારેમાં વધારે નફો પણ મળવાનો જ ને, જે પ્રમાણે અત્યારે મળે છે તે પ્રમાણે!!!!

    ત્યાર બાદ કોમર્સમાં વિદ્યાર્થી ને  સારો નફો મળે એટલે વિદ્યાર્થીઓને CA અને બીજો ઓપ્શન BBA, BCA 

નાં શેરમાં રોકાણ કરવાનો હોય છે . તો CA નાં શેરમાં જો પહેલી વારમાં નફો મળી જાય તો  સારું બાકી દર વર્ષે થોડું-થોડું રોકાણ કરવાનું જ!!! હા આર્ટસમાં પણ ફૂલ નહી તો ફૂલની પાખડી  જેટલું રોકાણ તો ખરું જ.

     અરે મહત્વની વાત તો કહેવાની રહી જ ગઈ જેમ અત્યારે બાળકો શાળાએ ગયા હોય એટલે ઘરમાં બધાને હાશકારો બોલી જાય તેમ આ શાળાએ તો ક્યારેય પણ વેકેશન જ નહિ આવે એટલે ઘરમાં બધાને શાંતિ.

    તો હવે આટલું બધું વિચારાય?

 પ્રવેશ ચાલુ છે,પ્રવેશ ચાલુ છે,પ્રવેશ ચાલુ છે।    અલગ-અલગ શેર ખરીદી, રોકાણ કરો  અને મેળવો મહતમ નફો।

    જેમ શેરીએ-શેરીએ શેર બજારની ઓંફીસો ખુલતી  હોય છે તેમ અત્યારે શેરીએ-શેરીએ શાળાઓ ખુલે છે તે જોતા આવી એકાદ પણ શાળા સ્થાપિત કરવી જોઈએ...